Хэрэглээний програм

Word дээр ажиллахад хугацаа хэмнэж, ажил хөнгөвчлөх аргууд

Word програм бичиг цаасны ажилтай зууралддаг бүх хүмүүсийн ажлын гол багаж, хэрэгсэл билээ. Гэвч Word дээр ажлыг маш ихээр хөнгөвчлөх функ, комбинациудыг олон жил энэ програм дээр ажилласан хур их туршлагатай хүмүүс хүртэл мэддэггүй. Ингээд Word дээр ажиллахад хугацаа хэмнэж, ажил хөнгөвчлөх аргуудыг та бүхэнд хүргье.

  1. Огноо тавих.

Shift+Alt+D товчийг дарахад өнөөдрийн огноо автоматаар тавигдана. Мөн Shift+Alt+T командыг өгөхөд цаг, минут тавигдана.

  1. Том үсгээр шивсэн текстийг жижиг үсэг рүү хувиргах.

Та санамсаргүй CAPSLOCK дарж, үүнийгээ анзааралгүй текстээ том үсгээр шивсэн бол текстээ идэвхжүүлж байгаад Shift+F3 товчийг дараарай. Энэ үедээ Fn товчлуурыг идэвхижүүлсэн байна. Ингээд текст жижиг үсэгтэй болж хувирна.

  1. Текст дунд курсорыг хурдан шилжүүлэх.

Текст дунд шилжихэд (← товч, эсвэл → товчийг ашиглахад) нэг нэг үсгээр шилждэг. Харин үүнийг түргэвчлэхийн тулд Ctrl+ ← , эсвэл → товчийг дарахад үг үгээр шилжинэ.

  1. Текстээс дэс дарааллаагүй хэсгүүдийг сонгох.

Текстээс дэс дараалалд байхгүй хэд хэдэн хэсэг үгсийг зэрэг сонгох шаардлагатай бол Ctrl товчийг дарж байгаад шаардлагатай хэсгүүдээ зэрэг сонгох боломжтой.

  1. Copy, Paste хийсэн үйлдлийн түүхийг харах

Home цэсний Clipboard товчийг дарахад тухайн файл дээр Copy Paste хийсэн үйлдлүүдийг жагсаалт харагдана.

  1. Текст дунд дэлгэцний зураг (screenshot) тавих.

Хэрэв танд текст дунд дэлгэцийн зураг (screenshot) оруулах шаардлага үүсвэл /гарын авлага, заавар боловсруулж байхад их хэрэглэгддэг/  Insert цэс рүү ороод Screenshot товч дээр дараад идэвхтэй байгаа цонхнуудыг зурагны сонголт гарж ирнэ.

  1. Хамгийн сүүлд хийсэн үйлдлийг давтах.

Хамгийн сүүлд хийсэн үйлдлийг давтахын тулд F4 товчийг дарна.

  1. Их хэмжээний текстыг сонгох.

Их хэмжээний текстыг сонгохын тулд текстыг эхэнд курсороо авчраад Shift товчийг дарж байгаад текстын төгсгөлд дарахад сонгосон текст бүхэлдээ идэвхжинэ.

  1. Хуудсаар хурдан шилжих

– Ctrl+Alt+Page Down — дараагийн хуудсанд очих;
– Ctrl+Alt+Page Up — өмнөх хуудсанд очих;
– Ctrl+Home — хуудасны эхэнд очих;
– Ctrl+End — хуудасны төгсгөлд очих.

  1. Шинээр хуудас үүсгэх

Ctrl+Enter дарж word файл дотроо шинэ хуудас үүсгэнэ.

  1. Нууц үг хийх.

Word файлын мэдээллээ нууцлах зорилгоор нууц үг хийхийг хүсвэл File – Info цэснээс  Protect document гэж ороод Encrypt with password нүдийг сонгон, нууц үг оруулна.

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд Tech-news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
error: Хамгаалагдсан !!