Инстаграм нь фото зураг, видео контентийг бусадтайгаа хуваалцах, найз нөхдийн хүрээг тэлэх, өөрийн компанийн бараа бүтээгдэхүүнийг борлуулах, зар сурталчилгаа хийх боломжтой, сошиал орчинд хамгийн их нөлөөтэй гар утасны апплекейшн юм.
Инстаграмыг дараах 3 зорилгоор ашигладаг:
- Хувь хүмүүст өөрийн зураг, бичлэгүүдээ бусадтай хуваалцах
- Компани бүтээгдэхүүн, үйлчилгээ, брэндийн сурталчилгаагаа хийх
- Хэвлэн нийтлэгч, телевизийн хөтлөгч, урлаг спортын алдартнууд шинэ нэвтрүүлэг, брэнд, хобби зэрэг мэдээллүүдийг бусдад түгээх, танилцуулах, сурталчилах
ИНСТАГРАМЫН ДАВУУ ТАЛ
- Зураг, бичлэгэн контентод суурилсан инстаграм нь бизнесүүд бүтээгдэхүүн үйлчилгээгээ, хувь хүн өөрийгөө болон хийж буй ажлаа сурталчилах боломжтой талбар
- Фейсбүүк, твиттерийн найзуудтайгаа шууд холбогдохоос гадна гар утсан дээр тань бүртгэлтэй хүмүүс шууд “найз” болох боломжтой.
- Олон сая дагагчтай алдартай аккаунтуудтай холбоо тогтоох. Өөрөөр хэлбэл та өөрийн ажил, бизнестэйгээ ижил төстэй аккаунтуудыг дагах, постод нь идэвхтэй хариулах зэргээр холбоо тогтоож болно
